Artêşa tirk a dagirker û hêzên çete yên girêdayî wê li dijî gundên Serêkaniyê êrîşeke dijwar dan destpêkirin. Hat zanîn ku li herêmê di navbera şervanan û hêzên dagirker de şerekî dijwar heye
Hêzên artêşa tirk a dagirker û komên çete yên girêdayî wê ji 9’ê cotmehê saet 16.00’an heta niha êrîşên xwe yên qirkirinê yên li dijî rojavayê Kurdistanê bênavber berdewam dikin. Tevî agirbest û lihevkirinên li herêmê jî hêzên dagirker bênavber êrîşên xwe didomînin.
Li gorî agahiyên ji Serêkaniyê, hêzên artêşa tirk a dagirker û komên çete yên girêdayî wê êrîşî gundên Menacîr, Cafa û Esediyê yên girêdayî Serêkaniyê kirin.
Çavkaniyên ji herêmê da zanîn ku şervanên Hêzên Sûriyeya Demokratîk (HSD) jî di çarçoveya mafê xweparastinê de bersivên tund dide komên dagirker. Hat zanîn ku li van her sê gundan navborî şerekî giran heye. HESEKÊ
