Leşkerên artêşa tirk a dagirker û çeteyên wê yên El Nusra, DAIŞ û OSO’yê di van kêliyan de êrîşî gundên Ingel Hawa û Til Werd ên Zirganê dikin û şervan jî bersivên wan didin
Êrîşên hêzên artêşa tirk a dagirker û komên çete yên girêdayî wê yên li dijî rojavayê Kurdistanê ji 9’ê cotmehê ve bênavber didomin. Hêzên dagirker tevî lihevkirinên ji bo agirbestê jî hewl didin herêmên xwe yên dagirkeriyê berfireh bikin.
Di vê çarçoveyê de artêşa tirk a dagirker û çeteyên wê yên El Nusra, DAIŞ û OSO’yê îro di danê sibehê de bi çekên giran erîşî gundên Ingel Hawa û Til Werd ên girêdayî bajarokê Zirgan ê Serêkaniyê kir.
Hat zanîn ku li ser êrîşên dagirkeran, şervanên Hêzên Sûriyeya Demokratîk (HSD) jî bersivîn tund dan û li herêmê şerekê giran heye. Çavkaniyan got ku di heman demê de hêzên dagirker derdora navçeya Zirganê jî topbaran dikin.
Têkildarî encamên şer û pevçûnan agahiyên zelal nehatin bidestxistin. HESEKÊ
