Hêzên Ewlekariya Hundirîn encamên operasyonên serdegirtinê yên bi hevkariya Koalîsyona Navneteweyî li dar xistine, bi daxuyaniyekê aşkera kirin.
Di daxuyaniyê de hat gotin ku 27 çete li gundên Abid û Felaha yên Hesekê hatine girtin ku berê êrîşî sivîlan kiribûn û tevgera şaneyên veşartî li herêmên Bakur û Rojhilatê Sûriyeyê hêsan kiribûn.
Her wiha hat eşkerekirin ku Hêzên Antîrerorê (HAT) beriya ku operasyonê li dar bixe, gelek lêpirsîn û xebatên şopandinê kirine û ev agahî hatin parvekirin: “Gelek çek û alavên teknîk bi wan re hatin desteserkirin. Ew alav di pêkanîna êrîşên terorîst, bûyerên hedefgirtinê bi kar anîne, çandina mayinan de bi kar anîne. Ev êrîş bi armanca têkbirina ewlehiya herêmê û belavkirina fitne û tirsê di nava civaka me de pêk hatin.”
Di dawiyê de Hêzên Ewlekariya Hundirîn soz da ku bi hemû sazûmaniya xwe bermahiyên çeteyên DAIŞ’ê û şaneyên wê yên ku fitneyê di nav gel de belav dikin, dê bê bandor bikin. HESEKÊ
