BEHDÎNAN |
Navenda Ragihandin û Çapemeniyê ya HPG’ê têkildarî çalakiyê gerîlayan a li dijî artêşa tirk a dagirker agahiyan parve kir.
Di daxuyaniya xwe de HPG’ê ev agahiyan parve kir:
“Agahiyên têkildarî çalakiyên hêzên me yên di Çarçoveya Pêngava Şoreşgerî ya Cenga Haftenîn a li dijî artêşa TC a dagirker ku li herêma Heftanîn a Herêmên Parastinê yên Medyayê dane destpêkirin wiha ne;
Yekîneyên me yên parastina ezmanî, 19’ê Hezîranê li Girê Şehîd Bêrîvan, 28’ê Hezîranê li Girê Dupişka û 1’ê Tîrmehê jî di saet 08:40’î de li devera Xantûra li dijî dagirkeran ji ezmanan ve çalakî kirin. Di van çalakiyan de hejmara kuştî û birîndarên dagirkeran nehatin zanîn.
1’ê Tîrmehê saet 16:00’an hêzên me li devera Xantûr li dijî dagirkeran çalakiyeke pêk anîn. Di vê çalakiyê de ku hêzên me ji du baskan ve bi xurtî li yekîneya dijmin da, li ser hejmara kuştî û birîndaran agahiyên zelal negirtin. Piştî çalakiyê hêzên me du caran bi yekîneyên dijmin re şer kirine. Di van şeran de jî hejmara kuştî û birîndarên dijmin nehatine zelalkirin.
Hemwext hêzên em li dijî yekîneyên dagirker ên li Girê Şehîd Adar çalakî kirin. Di vê çalakiyê de ku bi xurtî li dijmin hate xistin, leşkerek hatiye kuştin.
Li Dupişka 5 çeper hatin rûxandin
Heman rojê saet 17:00’an hêzên me li dever Girê Dupişka li dijî dagirkeran çalakiyek kirin. Di vê çalakiyê de ku ji du baskan ve li çeperên dijmin hatin xistin, 5 çeper hatin rûxandin û gelek leşker hatin cezakirin.
26-30’ê Hezîranê di êrîşa ezmanî ya artêşa TC a dagirker a li devera Xantûra de hevrêyên me yên bi navê Şoreşger û Welat şehîd bûne.
Di daxuyaniya xwe ya 28’ê Hezîranê de me ragihandibû ku di şerê li Şeşdara de hevrêya me ya bi navê Sema şehîd bûbû. Hevrêya me piştî ku di şer de birîndar dibe, dîl dikeve destê dijmin.
Li Xakûrkê radar hate rûxandin
Hêzên me di çarçoveya Pêngava Şoreşgerî ya Şehîd Bager û Şehîd Ronya de li dijî rayedara li Girê Şehîd Axîn a herêma Xakûrkê ya Herêmên Parastinê ya Medyayê çalakiyek kirin. Di vê çalakiyê de radar hate rûxandin. Piştî çalakiyê hêzên dagirker derdor ketober dan ber guleyan.
29’ê Hezîranê saet 23:00’an hêzên me li dijî wesayîteke zirxî ya li ser rêya Gever a Colemêrgê çalakiyek kirin. Di vê çalakiyê de ku xurtî li wesayîtê hate xistin, hejmara kuştî û birîndaran nehate zelalkirin. Di vê çalakiyê de hevrêyê me Partîzan ê bi lehengî şer kir, şehîd bû.
Nasnameya hevrêyê me yê şehîd bûye wiha ye:
Adil Akyurek (Partîzan Botan), cihê ji dayikbûye Mêrsîn, cih û dîroka şehîdbûnê 29’ê hezîrana 2020’an Colemêrg.
Hevêryê me Partîzan li dijî polîtîkayên qirkirin û asîmlasyonê ya dewleta tirk a li ser gelê kurd û gelê herêmê sala 2012’yan tev li refên gerîla bûye. Hevrê Partîzan ji roja tev li gerîla bûye tim xwe perwerde kiriye û xwe pêşxistî, di demekî kin de cihê xwe di dilê hemû hevrêyên xwe de kiriye. Herî dawî li Zagrosê cihê lê erk dike, li dijî dijmin her demê di eniyên pêş de cih girtiye û tim di nava têkoşînê de bûye. Heta kêliya ku şehîd bûye hemû erk û berpirsyariyên xwe bi serkeftî bi cih aniye. Hevrê Partîzan ê milîtankî mînak bû, di nava hevrêyên xwe de her demê dilpak, dilnizim û fedekar dihate zanîn.
Di serî de sersaxiyê ji malbata hevrêyê xwe yê bi nirx û hemû gelê Kurdistanê re dixwazin, soz didin ku em ê têkoşîna şehîdên xwe bi serkeftinê tacîdar bikin.
Êrîşên ezmanî
1’ê Tîrmehê artêşa tirk a dagirker li dijî Herêmên Parastinê yên Medyayê êrîş pêk anîn, di vê çarçoveyê de;
Saet 15:00 heta 15:30’î balafirên şer Girê Çiyayê Reş ê Herêma Zapê, Girê Cehenem, gundê Saca û devera Karkeran bombe kirin.
Saet 23:50’î balafirên şer derdorî Girê Yekmalê ya Herêma Garê bombe kiriye.
Di van bomberdûmana de tu ziyan negihiştiye hevrêyên me.”
