Navenda Ragihandin û Çapemeniyê HPG’ê têkildarî çalakiyên gerîlayan daxuyaniyeke nivîskî da.
HPG’ê li ser çalakiyên gerîlayan ev agahî parve kir:
“Gerîlayên YJA Starê di çarçoveya Pêngava Şoreşgerî ya Cenga Heftanînê de 15’ê tîrmehê saet 15:50’î li dijî artêşa TC’ê ya li Girê Şehîdan bi cih bûbûn çalakiyeke ya sekvaniyê pêk anîn. Di vê çalakiyê de leşkerek hate cezakirin.
16’ê tîrmehê ango îro saet 04:00’an hêzên me di Çarçoveya Pêngava Şoreşgerî ya Şehîd Bager û Şehîd Ronya de li dijî artêşa TC’ê ya dagirker ku li Girê Şehîd Dewrêş ê Herêma Xakûrkê ya Herêmên Parastinê yên Medyayê bicih bûbûn çalakiyek kirin. Di vê çalakiyê de ku çeper û stargehên dijmin bi xurtî hatin hedefkirin de, hejmara kuştî û birîndarên dagirkeran nehate zelalkirin.
Artêşa TC’ê li nêzî gundê Çakmakli ya navçeya Xozat a Dêrsimê qereqolekê çêdike. Hêzên YJA Starê 14’ê tîrmehê saet 08.00’an li dijî leşkerên ku ewlekariya qereqolê digirtin çalakiyek kirin. Di vê çalakiyê de ku xurtî li hedefan hate xistin, 2 leşker hatin cezakirin, 2 leşker jî birîndar bûn. Yekîneya me ya çalakî kir bi saxlem gihişte cihên xwe.
Balafirên şer ên artêşa TC’ê ya dagirker êrîşên xwe yên li ser Herêmên Parastinê yên Medyayê didomîne. Di vê çarçoveyê de;
14’ê tîrmehê saet 01:00’an balafirên şer devera Xantûr a Herêma Heftanîn, 15’ê tîrmehê saet 17:00’an jî devera Bektorya ya Heftanînê bombe kirine.
15’ê tîrmehê saet 22:30’î balafirên şer Girê Amêdiyê ya girêdayî navçeya Amêdiyê ya Duhokê bombe kiriye.” BEHDÎNAN
