Navenda Nûçeyan
Navenda Ragihandin û Çapemeniyê ya HPG’ê li ser çalakiyên gerîla û êrişên dagirkeriyê daxuyaniyeke nivîskî weşand. Daxuyanî wiha ye:
“Di çarçoveya Pêngava Şoreşgerî ya Cenga Xabûrê de li herêma Heftanînê;
7’ê tebaxê saet di 06:15 û 08:30’î de li qada Minînê li dijî dagirkerên li ser Girê Dûpişkê 2 caran bi çekên giran çalakî hat lidarxistin. Di van çalakiyan de bi rengekî serkeftî derb li hedefên ku hatine diyarkirin, hate xistin.
Dewleta tirk a dagirker li herêma Avaşînê li pêşberî berxwedana serkeftî ya hêzên me xitimî ye. Dewleta tirk a dagirker ku bi rêbazên şerê qirêj êrişê dibe ser tunelên şer, her roj gazên kîmyewî gelekî zêde bi kar tîne û sûcên şer dike. Artêşa tirk a dagirker 9’ê tebaxê saet di navbera 07:00-19:00’an de li herêma Avaşînê 5 caran bi gazên kîmyewî êriş bir ser tunelên şer ên li qada Werxelê. Heman rojê saet di navbera 11:30-22:40’î de tunelên şer ên li Girê Sor û Werxelê hatin bombekirin.
Liv û tevgera droneyan a li ser herêmê dewam dike.
9’ê tebaxê saet di navbera 12:00-18:00’an de li herêma Garê qada Kafyayê bi balafirên şer 2 caran hat bombekirin.
9’ê tebaxê saet di navbera 21:10-01:30’an de li herêma Avaşînê helîkopter li ser qadên Banista, Tabûra Ereban, Girê Silêman û Girê Spî geriyan.
Di van êrişên artêşa tirk a dagirker de tiştek bi hêzên me nehatiye.”
