Bi wesîleya salvegera 30ʹemîn a wefata dayika Rêber Abdullah Ocalan yadê Uweyş, Kongra Star a Helebê civînek li dar xist.
Civîn bi beşdarbûna bi dehan şêniyan li hola civînan a beşê rojava yê taxa Şêxmeqsûdê hat lidarxistin. Di civînê de sînevîzyonek têkildarî dayê Uweyş hat temaşekirin.
Piştre ji rêveberên Kongra Star Sebîha Efrîn axivî û got, yadê Uweyş wateya rasteqîn a dayikatiyê nîşan da û bi awayekî durist pêk anî.
Sebîha Efrîn bal kişand ser xwedîderketina Rêber Abdullah Ocalan a li keda dayika xwe û anî ziman ku bi saya vê keda Rêber Abdullah Ocalan gihişt asta rêveberiyê û di nirxandinên xwe de girîngiyeke mezin dide azadiya jinan.
Sebîha Efrîn di dawiya axaftina xwe de got, divê nêzîkatiyên herî dayikekê ya li hemberî şoreş, xak û çanda xwe mîna nêzîkatiyên yadê Uweyş bin.
