Bi dirûşma ‘Bi fikr û felsefeya Rêber Apo dê mirovahî ji destpoîzmê rizgar bikin’ PYD’ê pêşangeheke pirtûkên Rêberê Gelê Kurd Abdullah Ocalan li taxa Şêxmeqsûd vekir
Partiya Yekitiya Demokratîk (PYD) li navenda taxa Şêxmeqsûd a rojava ya bajarê Helebê bi dirûşma ‘Bi fikr û felsefeya Rêber Apo dê mirovahî ji destpoîzmê rizgar bikin’ pêşangeha pirtûkên Rêberê Gelê Kurd Abdullah Ocalan li dar xist. Di pêşangehê de bi dehan endamên sazî û partiyên siyasî ji pêkhateyên ereb û kurd beşdar bûn.
Endama Rêveberiya Buroya Perwerdeyê ya PYD’ê ya Helebê Elîfe Hesen vekirina pêşangehê li beşdaran pîroz kir û got ku armanca wan ew e ku balê bikişînin ramanên fîlozofê serdemê Abdullah Ocalan,
Piştre endamê Meclisa PYD’ê Elî Mistefa gotina Ocalan a ‘Bi fikr mirov tên avakirin û bi mirovên difikirin, şaristanî tê avakirin’ bi bîr xist û teqez kir ku destkeftiyên Şoreşa 19’ê Tîrmehê berhemên fikren Ocalan in.
Piştî axaftinan deriye pêşangehê ji aliye hevjîna şehîd Emar ê ku li taxa Şêxmeqûsê şehîd bûbû ve hat vekirin.
PYD’ê li pêşangehê pirtûk li tevahî beşdaran belav kirin û dê pêşangeh heta du rojan bidome û ji saet 11:00’an heta 17:00’an vekirî be. HELEB
