Leşkerên dewleta tirk û çeteyên wê piştî ku li ser ragihandina agirbestê ketin Serêkaniyê, avahî û dikanên gel talan dikin. Her wiha li navenda Serêkaniyê û gundên wê jî hêzên dagirker êrîşên xwe didomînin. Li gundê Um El Xêrê 5 şervan şehîd bûn
Hêzên artêşa tirk a dagirker û çeteyên wê piştî lihevkirina di navbera DYA û dewleta tirk de, ketin Serêkaniyê. Hêzên dagirker ên ku ketine navçeyê, dest bi talan û diziya mal û dikanên gelê herêmê kirin.
Di heman demê de rojnameger Ersîn Çaksu jî ragihand ku tevî lihevkirina di navbera DYA û dewleta tirk de, şevê din jî li eniyên Serêkaniyê şerekê dijwar hebû. Çaksu anî ziman ku li xeta sînor şer heta sibehê jî dom kir. Çaksu da zanîn ku di van kêliyan de jî li eniyên rojhilat û rojava şer didome. Çete û leşkerên dagirker êrîşî nexweşxaneyê dikin.
Li gorî agahiyên dawî, balafirên şer ên dewleta tirk di van kêliyan de gundê Um El Xêr ê li bejahiya Serêkaniyê bombebaran dikin. Hat ragihandin ku di encama van êrîşan de 5 şervanên HSD’ê şehîd bûn 2 şervan jî birîndar bûn. SERÊKANIYÊ
