Navenda Nûçeyan |
Kurdên li çar parçeyên Kurdistanê û yên li Ewropayê li dijî şewata li Îmraliyê û nehiştina çûyîna parêzeran a ji aliyê dewleta tirk ve daketin qadan û meşiyan.
Bi pêşengtiya Tevgera Ciwanên Şoreşger ên Sûriyeyê û bi tevlîbûna şêniyên Efrîn, Şehba û ciwanên Şehbayê û şêniyên Hesekê li dijî şewitandina daristana Îmraliyê daketin qadan û meşeke li dar xistin.
Di axaftinên meşan de hat diyarkirin ku agirberdana daristana Îmraliyê daxwaza tunekirina gelê kurd e û wiha hatin gotin: “Rêber Apo li hember hemû şert û mercan berxwedaneke bêhempa dide meşandin. Îmralî dêriyê çareseriya hemû pirsgirêkên Rojhilata Navîn e, ji bo wê her tê hedefgirtin. Her wiha heta azadiya Rêberê xwe dê serhildanên me bidome.”
Ji aliyê din ve bi heman armancî kurdên Ewropayê jî li dehan bajaran daketin qadan û diyar kirin ku ew ji tenduristî û jiyana Ocalan bi fikar in û her wiha dan zanîn ku heta ji Rêberên xwe agahî bistînin dê li qadan bin.
Her wiha dê îro jî ciwan û gelê başûrê Kurdistanê jî bi heman armancî li Kelar û Silêmaniyê jî dakevin qadan.
