Li gorî nûçeya Rojnewsê, aktîvîst Ehmed Bêxem ê ji bajarê Serdeştê yê rojhilatê Kurdistanê ku bi navê Heval Kejwan dihate naskirin, cenazeyê wî 31’ê kanûnê li Hewlêrê hat dîtin.
Çavkaniyekî nêzî malbata Ehmed Bêxem diyar kir ku du rojan wan agahî jê nedigirtin û polîs li malbatê geriyane û agahiya mirina Ehmed Bêxem dane.
Çavkaniyê ku nexwest navê xwe aşkera bike, wiha got: “Li ser bedena Ehmed şopên îşkenceyê hebûn. Bedena wî şîn û reş bûbû û li gorî îdîayê, bi îşkenceyê hatiye kuştin.”
Cenazeyê Ehmed Bêxem li Qeladizê bi lez hat veşartin. Li gorî agahiyên ku hêzên ewlekariyê dane malbatê, agahiyên têkildarî bûyera kuştinê wê di nava 20 rojan de bi malbatê re parve bikin.
Ehmed Bêxem ê ji rojhilatê Kurdistanê di dema seferberiya Kobanê de çûbû Rojava û tev li YPG’ê bûbû. HEWLÊR
