Li başûrê Kurdistanê xwepêşandanên xwendevanan ên dijî nedana xerca mehan e, 5 roj li pey xwe hiştin. Xwendevan îro jî li qadan bûn, bi taybet li Hewlêrê hêzek zêde hatiye belavkirin. Heya niha 4 rojnamegerên ku xwepêşandanan dişopandin hatine binçavkirin û 2 ji wan nûçegihanên Ajansa Rojnewsê ne.
Parlamenterê Parlamentoya Başûrê Kurdistanê Elî Heme Salih li ser malpera xwe ya facebookê agahiya revandina xwendevanan belav kir.
Elî Heme Salih di agahiya xwe de wiha got: “Niha hêzek ewlekariyê ya zêde bi wesayîtên cama reş komek xwendevanên li nêzî avahiya Wezareta Xwendinê ya Bilind a li Hewlêrê revandin. Ji vê yekê rewşê serokê hikûmetê berpirs e. Ev hêz astengiyan ji rojnamegeran re jî çêdike.” HEWLÊR
