Li gundê Kiwexê yê navçeya Hezexê ya Şirnexê, Sercan E. (15) û Mûrat E. (15) ku li sewalên xwe yên windabûyî digeriyan, ji ber teqîna cismekî birîndar bûn. Sercan û Mûrat E. ji aliyê kesên li derdorê ve rakirin Nexweşxaneya Dewletê ya Hezexê.
Malbatê diyar kir ku cihê teqîn lê bû, nêzî Qereqola Jendermeyan a li gundê Kiwexê ye. Zarokên ku ji çonga xwe birîndar bûn, li nexweşxaneyê têne dermankirin. Hate ragihandin ku jendermeyan li ser teqînê îfadeya zarokan girtine.
