Li Hindistanê keştiyeke tûrîstîk noqî binê avê bû û hate ragihandin ku 39 kes winda ne.
Keştiya The Royal Vashishta vessel di Yekşemê de li eyaleta Andra Pradeşê li çemê Godavri ku ava çem bilind bû noqî binê avê bû. Keştî ber bi qadeke pîknîkê ve diçû û 73 kes di keştiyê de bûn.
Li gorî rayedarê polîsên herêmê 8 cenaze ji nava çem hatin derxistin û 26 kes jî hatin rizgarkirin. Karên lêgerîn û rizgarkirinê Duşemê jî dom kirin. Tê gotin ku 39 kes di bûyerê de winda bûne.
Nêzî 300 kes tevlî xebatên lêgerîn û rizgarkirinê bûne.
Li gorî rojnameya Times of India wezîrekî eyaleta Andra Pradeşê diyar kiriye ku keştiya li çemê ku ava wê ji ber barana mûsonê bilind bû, lîsansa xwe ya ji bo gerandina tûrîstan nebû.
