Li gorî îstatîstîkên fermî li Îranê sala 2017’an li bazara kar rêjeya jinan tenê ji sedî 16,8 e. Li gorî vê rêjeyê li Îranê di bazara kar de cih ji jinan re tune y
Îstatîstîkên li ser rêjeya jinan a tevlêbûna kar a li Îranê xwe dispêrin ser Bernameya Rabûnê ya Neteweyên Yekbûyî. Bi vê çarçoveyê Navenda Îstatîstîkên Îranê her sal encamên têkilîdarî hêza kar diweşîne. Navenda rewşa bazarê ya 10 salan a di navbeyna 2008-2017’an de dinirxîne.
Îstatîstîkên navborî nîşan didin bê ka rêjeya di navbeyna jin û mêran de, ya li bazara kar ji hev dûr e an na. Tê fêhmkirin di dema diyarkirî de rêjeya mêran a li nav kar 4 caran li ya jinan e. Li gorî îstatîstîkan di van deh salan de tevlêbûna mêran a li bazara kar ji sedî 63 û ya jinan jî ji sedî 14 ya. Li Îranê ji her 100 kesê ku dixebitin 84 jê mêr, tenê 16 jê jin in.
Li gorî heman îstatîstîkan 2017’an rêjeya mêran a di nav bazara kar de ji sedî 71,4 û ya jinan jî ji sedî 16,8 e. Ev dane nîşan didin ku li bazara kar mêr serwer in. Dema ku mirov li asta perwerdeyê dinihêre, tê dîtin ku di bazara kar de tu guherîneke newekheviyê tune ye. Di nav civakê de ji sedî 46 ên perwerde dibin derbas bûne li gel ku jin in jî, di bazara kar de rêjeya jinên ku kar bi dest ve tînin tenê ji sedî 9 e. Ango ji 100 jinên perwerde standî tenê 10 jê dixebitin.
Di nav koma ku perwerdeya bilind de, rêjeya jinan a di nav bazara kar de ji sedî 37 e. Di vê komê de rêjeya jinan dibe nîvê ya mêran. TEHRAN
