Li Otela Ramada Silêmaniyê ji aliyê Rêxistina Azadî û Mafê Mirovan ve derbarê zewacandina zarokan panelek hate organîzekirin. Hejmarek hiqûqnas, parêzer û nûnerên rêxistinan tev li bûn.
Di palanê de, nûnerê Mesihiyan Keşe Eymen Hirmiz, nûnera Zerdeştiyan Awat Derya, nûnerê Ola Îslamê Dr. Xalid Ehmed, nûnera Rêxistina CDO Hana Şiwan, cîgirê Serdozgerê Giştê Hakim Mecid û Rêveberê Rêxisitna Azadî û Mafê Mirovan Biryar Ebdulrehman axivin.
Di palanê de di warê yasayî û baweriyên cuda de qala zewacê hate kirin.
Rêveberê Rêxisitna Azadî û Mafê Mirovan Biryar Ebdulrehman diyar kir ku ji ber sedema zêdebûna zewaca pêşwext dixwazin bi rêya vê panalê têgihîştinê li gel hemû aliyan dirust bikin û çareseriyek bingehîn ji bo pirsgirêka zewaca pêşwext bibînin û wiha got: “Li gorî rêxistina UNICEF li Iraqê di sala 2019’an de ji sedê 28’ê zewacan li jêr temenê 18 salî de pêkhatine.”
Di berdewama panêlê de qala ziyanên zewaca di temenê biçûk de, derûnî û aliyên civakî yên zewaca pêşxwest hate kirin. SILÊMANÎ
