Bi wesîleya salvegrea 23’an a komploya navneteweyî ku li dijî Rêberê Gelê Kurd Abdullah Ocalan hate kirin, li Îtalyayê karê dîplomasiyê hat kirin.
Şandeyek bi pêşengiya Buroya Enformasyonê ya Kurdistanê li Roma, Montova û Cenovayê bi şaredariyan re hevdîtin kir.
Di hevdîtinan de ji şaredariyên navborî hat xwestin ku welatîbûna rûmetî bidin Rêberê Gelê Kurd û îşaret bi rewşa girtiyên nexweş bi taybetî jî rewşa Aysel Tûglûk hat kirin.
Bi rêxistinên civakî yên sivîl û sendîkayan re jî hevdîtin hatin kirin. Di dema van hevdîtinan de ji bo kampanya azadiya Abdullah Ocalan piştgirî hat xwestin.
Li Roma û Montovayê, ji bo PKK ji lîsteya ‘rêxistinên terorîst’ ya Yekitiya Ewropayê bê derxistin standên îmzeyan hatin danîn, ji bo meşa şermezarkirina komloya navneteweyî ku dê 12’yê sibatê bê lidarxistin li Roma û Mîlanoyê afîş hatin daliqandin.
Her wiha wesayitek ji reklaman bi wêneyekî mezin ê Rêberê Gelê Kurd Abdullah Ocalan heta 11’ê sibatê dê li kolanên Romayê bigere û bang li şêniyên bajêr bê kirin ku tev li meşê bibin. ROMA
