Li Îzmîrê polîsan bi ser gelek malan de girt. Di encama serdegirtina malan de 4 rêveberên HDP, DBP û TUHAY-DER’ê hatin binçavkirin
Operasyonên qirkirina siyasî yên hikûmeta AKP-MHP’ê yên li dijî siyasetmedarên kurd bênavber berdewam in. Di vê çarçoveyê de polîsên dewleta tirk li Îzmîrê bi ser gelek malan de girt.
Li gorî agahiyan, polîsên dewleta tirk di danê sibehê de li Îzmîrê bi ser gelek malan de girt. Di serdegirtina malan de, hevserokê Partiya Demokratîk a Gelan (HDP) a Navçeya Menemenê Sadik Varan, hevserokê HDP’a Seferîhîsarê yê berê Alî Ozturk, rêveberê Partiya Herêmên Demokratîk (DBP) a Îzmîrê Fahrettîn Akan, rêveberê Komeleya Piştevanî û Alîkariyê ya bi Malbatên Girtî û Hikumxwaran re (TUHAY-DER) Mûrat Ulug hatin binçavkirin.
Sedema binçavkirina rêvberên HDP, DBP û TUHAY-DER’ê nehat zanîn. Hat zanîn ku kesên hatine binçavkirin derbasî Midûriyeta Polîsan a Îzmîrê tên girtin. ÎZMÎR
