Li Komara Kongoyê ya Demokratîk ji ber vîrusa Ebolayê di 10 mehên dawîn de 1500 kesan jiyana xwe ji dest dan
Talûkeya vîrûsa Ebolayê ya li ser tenduristiya gelê Komara Kongo ya Demokratîk berdewam e. Têkildarî mijarê rayedarên qada tenduristiyê agahî dan û destnîşan kirin ku ji ber vîrûsa Ebolayê, di nava deh mehên dawî de herî kêm hezar û 500 welatiyan jiyana xwe ji dest dane.
Li gorî daneyên Wezareta Tendirustiyê ya Komara Kongo ya Demokratîk, heta niha 2239 nexweş tespît kirine û ji van 2145 jê hatine piştrastkirin. Li gorî daxuyaniya wezaretê, ji van welatiyan 1506 kesan jiyana xwe ji dest dane û 621 kes jî ji vîrûsê pak bûne. Li hemberî vîrûsa Ebolayê, 140 hezar û 915 kes hatin derzîkirin.
Sala borî di 1’ê tebaxê de li Komara Kongoyê ya Demokratîk vîrûsa Ebolayê hatibû destpêkirin û ji sala 1976’an û vir ve cara dehan e ku ev vîrus derdikeve holê. Di sala 2014’an de li Lîberya, Gîne û Sîerra Leoneyê ji ber vîrusa Ebolayê 11 hezar kes mirîbûn.
Ji ber şerê li Komara Kongoyê ya Demokratîk, têkoşîna li dijî vîrûsa Ebolayê dijwar dibe. Di demên dawîn de êrîşî gelek navendên tendirustiyê hate kirin. Neteweyên Yekbûyî di 23’yê gulanê de ji bo stendina tevdîrên li hemberî vîrûsa Ebolayê ‘koordînatorê mudaxeleya lezgîn’ peywirdar kiribû.
