Li başûrê rojhilat ê Komara Kongo ya Demokratîk trenek ji rê derket û herî kêm 50 kesan jiyana xwe ji dest dan.
Wezîrê Karên Însanî Steve Mbîkayî bi rêya twitterê daxuyaniyek weşand û got, “felaketeke din rû da.”
Mbîkayî diyar kir, li herêma Mayîbarîdî tren ji rê derket û ji ber vê yekê 50 kesan jiyana xwe ji dest dan, gelek kes jî birîndar bûn.
Kongo demeke dirêj e timî bi şewbê dikeve rojevê. Ji Tebaxa 2018’an ve ji ber şewba Ebolayê zêdeyî 2 hezar kesan jiyana xwe ji dest dan. Her wiha sorik û şewba kolera jî li Kongoyê pirsgirêkeke giran e.
