Li Rûsyayê di nava Qesra Kremlînê de bombeyeke mezin a ji Şerê Dinyayê yê Duyemîn maye hate dîtin.
Hate ragihandin, bombeyeke artêşa Elman a di dema Şerê Duyemîn ê Dinyayê de li devereke nêzî qada ku Serokdewletê Rûsyayê Vladîmîr Pûtîn timî bi kar tîne hatiye dîtin.
Fermandarê Yekîneya Parastinê ya Qesra Kremlînê Sergey Şlebnîkov diyar kir, bombeya ku hatiye dîtin dibe ku di sala 1941’ê de dema ku Moskowa li dijî dagirkeriya Nazî dihate parastin hatibû avêtin. Fermandar ragihand ku bombe li devereke nêzî pîsta helîkopterê ya ku Pûtîn timî bi kar tîne hatiye dîtin. Hate ragihandin ku qad piştî ku hate ewlekirin bombe ji herêmê hate derxistin.
Qesra Kremlînê ku weke avahiya Serokdewletiya Rûsyayê tê bikaranîn li Meydana Sor e. Li derdora vê meydanê jî gelek avahiyên muze û dêr hene. MOSKOWA
