Navenda Nûçeyan |
Serokê Daîreya Rêbertiya Exlaqî ya Artêşa Neteweyî ya Lîbyayê ya Xelîfe Hafter û tûggeneral Halid El Mahcup der barê şerê li herêmê agahî dan.
Mahcûp diyar kir ku milîsê hikûmeta navendî ya Trablûsê gelek sivîl revandine û gelek milîs jî hatine kuştin. El Mahcûp diyar kir ku di operasyona 22’yê nîsanê de Artêşa Neteweyî ya Lîbyayê li herêmê bi pêş ve diçin.
Bi domdarî jî Mahcûp diyar kir ku di şer de yek ji rêveberê koma Selîtanê, Abdulraûf El Sarî hatiye kuştin û 15 çeteyên ji Sûriyeyê jî hatine girtin.
Rapora SOHR’ê
Mala Çavdêriyê ya Mafên Mirovan a Sûriyeyê (SOHR) jî di 20’ê nîsanê de daxuyanî dabû û diyar kiribû li Lîbyayê heta niha 199 çeteyên girêdayî dewleta tirk hatine kuştin. SOHR’ê destnîşan kir ku dewleta tirk 5 hezar û 300 leşkerên bi pere şandine Trablûsê û 2 hezar û 100 çete jî ji bo şandina Lîbyayê li Tirkiyeyê tên perwerdekirin.
