Li dijî astengiyên ji ber krîza tenduristiyê, li Lubnanê ciwan roja sêşemê careke din daketin qadan.
Polîsan bi bombeyên gazê û fîşekên plastîk êrîşî xwepêşandanan kir, çalakgeran jî bi molotof kokteylan û keviran bersiv dan hêzên ewlekariyê.
Têkildarî êrîşa hêzên ewlekariyê Xaça Sor a Lubnanê ragihand ku di şerê navbera ciwan û hêzên ewlekariyê de herî kêm 45 kes birîndar bûne.
Yek ji mezintirîn bajarê bakurê Lubnanê Trablûsşam, ji bajarên herî xizan ên Lubnanê bû. Bi şewba vîrûsa koronayê re rewş girantir bû.
Beşeke mezin a şêniyên bajarê Trablûsê li gorî tedbîrên mayina li malê tevgeriyan. Hêzên ewlekariyê jî cezayê pereyan li gelek kesan birîn.
Rayedaran dema tedbîrên mayina li malê ku 25’ê çileyê dest pê kirin heta 8’ê aibatê dirêj kirin. BEYRÛD
