Li kampa penaberên Filistînê a Eyn El Hilwe ku nêzî bajarê Seyda ye li dijî qanûneke hikûmetê ya ku karê xebatkarên Filistînê bisînor dike, xwepêşandanek hatibû lidarxistin.
Di xwepêşandana ku bi tevlêbûna niştecihê kampa filistîniyan pêk hat de ciwanekî filistînî yê bi navê Hisên Elaedîn hate kuştin.
Piştre jî di navbera malbata ciwanê ku hate kuştin û komeke din de pevçûn derket û heta seatên dereng ên şevê dengê çekan ji kampê dihat.
Wekî tê zanîn di dema dawî de gelek caran niştecihên kampê derdikevin meş û xwepêşandanan li dijî qanûna ku wezareta kar a Lubnanê derxistibû û karê filistîniyan bi sînor dike. SEYDA
