Navenda Nûçeyan
Di 10’ê kanûnê de li Macaristanê saet di navbera 10.00 û 20.30’an de li ser înternetê wê konferansek ji bo Rojava pêk bê. Di konferansê de şoreşa Rojava û projeya wê bê vegotin ku rejîma Erdogan êrîşê dibe ser.
Şoreşa Rojava ku weke projeyeke civakî ya çepgir û femînîst a li dijî kapîtalîzmê û baviksalariyê tê dayîn, weke ‘halê hazir alternatîfa herî xurt a çepgir û dij-kapîtalîst e’, tê nirxandin.
Li gorî pêşkêşkirina bernameyê di konferansê de hem ev şoreş û hem jî rewşa berdest a herêmê were pênasekirin, analîzkirin, hem jî dê pêla şoreşê ku projeya Rojava rê lê vekiriye were destnîşankirin.
Bi vê çarçoweyê dê tevgerên girseyî û şoreşgerî yên van salên dawî li Sûdan, Şilî, Îran, Cezayîr, Fransa, Haîtî û Libnanê were nirxandin.
Sernavên konferansê: Îdeolojî û siyaseta Rojava, rewşa siyasî ya rojane, paradîgmaya Rojava ya Rêberê Gelê Kurd Abdullah Ocalan, Rojava û guherîna avûhewayê, jinên kurd, konfederalîzma demokratîk, jineolojî, ekolojiya civakî û teoriya femînîst, krîza global û pêla serdema nû, li DYE’yê tevgerên anarşîst, ji Îranê heta Şiliyê tevgerên civakî, Ewropaya rojhilat û şaredarî, li YE’yê bi asta şaredariyê de lîveyên avakirina polîtîkayan, krîza Belarûsê, çima sosyalîzm, li Rojava konfederalîzma demokratîk.
Bernameya konferansê ya ku wê bi zimanê macarî û îngilîzî parastin bê kirin, bi vê armancê malpera Facebook hate avakirin.
