Navenda Nûçeyan |
Roja sêşemê piştî ku li kampa leşkerî ya Katî ya li derdora paytext Bamako yê Maliyê dengê çekan hate bihîstin, kamp hate bidestxistin.
Di sala 2012’yan de jî li heman leşkergehê li dijî Serokkomarê wê demê Amadoû Toûmanî Toûre darbeya leşkerî dest pê kiribû.
Li gorî AFP’ê û Le Fîgaro, doktorekî li nexweşxaneya Katî gotiye; “Vê sibehê (sibeha Sêşemê) leşkerên bi hêrs çekên li kampa Katî bi dest xistin û li hewayê reşandin. Hejmara wan gelek bû û gelekî bi hêrs bûn.”
Di dawiya rojê de jî leşkeran diyar kirin ku wan Serokkomar Îbrahîm Boûbacar Keîta û Serokwezîr Boûboû Cîsse girtine.
Leşkeran her du rêveber li Katiyê li wesayitên zirxî siwar kirin.
Serokkomar Keîta nîvê şevê îstifa kir û got ku ji bo xwîn neyê rijandin ew ê biya artêşê bike.
Serokkomar her wiha di weşana zindî de parlamento û hikûmet betal kir.
Leşkerên ku piştre desthilatdarî bi dest xistin, diyar kirin ku wê pêvajoyeke derbasbûnê ya sivîl bixin meriyetê. Hate ragihandin ku ev hikûmeta demkî divê di demeke maqûl de hilbijartinê bike.
Yekitiya Efrîkayê êvara sêşemê bang kir ku Serokkomar bê berdan. Yekitiya Ewropayê jî ‘hewldana darbeyê’ şermezar kir. Fransayê jî daxuyaniyeke şermezarkirinê weşand. Di serî de li paytext Bamakoyê li herêmên peravê 5 hezar û 100 leşkerên Fransayê hene.
