HRE’yê bi daxuyaniyeke nivîskî ragihand ku hêzên wan li gundê Seyîd Elî yê Mareyê li dijî komên çete çalakî pêk anîne. HRE’yê diyar kir ku di çalakiyê de 3 çete hatine kuştin
Hêzên Rizgariya Efrînê bi daxuyaniyeke nivîskî têkildarî çalakiyên hêzên wan ên li Mare ya kantona Şehbayê agahî dan. HRE’yê di daxuyaniyê de destnîşan kir ku hêzên wan li dijî çeteyên dagirker çalakiyeke serkeftî pêk anîne.
HRE’yê di daxuyaniyê de ragihand ku hêzên wan li bajarê Mareyê bi ser baregeheke çeteyan de girtiye û 3 çete kuştine û 2 jî birîndar kirine.
Di berdewamiya daxuyaniyê de jî HRE’yê ev agahî parve kirin: “Di roja 10‘ê gulanê de, hêzên me li dijî baregeha koma çete ya Cebhe El Şamiye ya li gundê Seyîd Elî yê girêdayî bajarê Mareyê çalakî pêk anî. Bi destpêkirina çalakiyê re di navbera hêzên me û komên çete de pevçûn derket. Di encama şer de 3 çete hatin kuştin û 2 çete jî birîndar bûn.” EFRÎN
