MEKSÎKO |
Li Meksîkayê ku nifûsa xwe 127 milyon kes in, bi hezaran zarokên bi nexweşiya losemî ya akût lenfoblastîk in nikarin bên tedawîkirin.
Tenê li nexweşxaneya zarokan a Federîco Gomez a li paytext Meksîkoyê nêzî 500 zarokên nexweşên losemî ji ber ku nikarin derman peyda bikin zor û zehmetiyan dikişînin. Li gorî agahiyên ji aliyê rayedaran ve hatin parvekirin, pirsgirêka nepeydakirina dermanan a ku îlon û cotmeha 2018’an rû da, di sibat û tebaxa 2019’an de jî hebû.
Ji 17 febrîqeyên ku dermanê Methotrexate (MTX) yê li dijî akût lenfoîd losemî tê bikaranîn çêdikirin, 7 ji wan di meha tebaxê de hatin girtin. Ev yek bû sedem ku pirsgirêk girantir bibe. Hikûmeta nû soz dabû ku ji ber pirsgirêka dermanan wê rê nedin ku tedawiya losemî raweste.
Li Meksîkayê hejmara zarokên bi tu awayî nikarin sûdê ji derfetên ewlekariya civakî werbigirin 26.4 milyon kes in. Di sala 2003’yan de sîstema bi navê ‘sîgorta gel’ ketibû meriyetê, lê destpêka vê salê hatibû betalkirin. Bi saya vê bernameyê bi dehan milyon zarok dikarîbûn tedawî bibin.
