Li Meksîkayê lûleyeke petrolê teqiyabû û li gorî bîlançoya dawî, 85 kesan jiyana xwe ji dest daye
Li Meksîkayê, roja înê lûleyeke petrolê teqiyabû û li gorî bîlançoya dawî, 85 kesan jiyana xwe ji dest da. Teqîn li herêma Tlahûelîlpanê pêk hat ku 120 kîlometre li bakurê paytext Meksîko ye.
Wezareta Tenduristiyê ragihand, ji birîndaran 6 kesên din jiyana xwe ji dest dane û hejmara miriyan gihîştiye 85’an. Hat ragihandin ku 58 kes jî li nexweşxaneyê tên dermankirin. Wekî din ji ber ku gelek cenaze şewitîn, nasnameya 59 cenazeyan nehatiye tespîtkirin.
Lûleya petrolê ya ku teqîn lê çêbû, roja înê ji aliyê dizan ve hatibû qulkirin. Nêzî 700 ji welatiyên herêma Tlahûelîlpanê hatibûn cihê bûyerê û bi bîdonan hewl dida mazotê ji xwe re bibin. Di vê kêliyê de teqîn pêk hatibû. MEKSÎKO
