Rojnameger Rojda Aydin, Ahmet Kanbal û Alî Dîncel li Mêrdînê ji hêla polîsan ve hatin binçavkirin
Partiya Demokratîk a Gelan (HDP) a Mêrdînê û malbatên girtiyan weke her çarşemê xwestin îro jî ji bo piştgiriya bi çalakvanên greva birçîbûn re, li ber girtigeha Tîpa E ya Mêrdînê daxuyaniyê bidin. Dema ku HDP’î û malbat kom bûn, polîsan mudaxaleyî malbatan kir.
Di encama êrîşa polîsan de nûçegihana Jinnewsê Rojda Aydin, nûçegîhanê Ajansa Mezopotamya (MA) Ahmet Kanbal û rojnamegerê serbest ê Qoserê Alî Dînler hatin binçavkirin.
Sedema binçavkirina rojnamegeran nehat zanîn. Rojnamegerên ku hatin binçavkirin, derbasî Şaxa TEM’ê ya Mêrdînê hatin kirin. MÊRDÎN
