Li navçeya Nisêbîna Mêrdînê ji aliyê Walîtiya Mêrdînê ve herêmên çoltar ên 9 gundên li herêm Çiyayê Bagokê ji bo 15 rojan weke “herêmên ewlehiya taybet” hatin îlankirin. Walîtiya Mêrdînê ragihand ku li gundên Xarabalî, Hibab, Badîbbe, Ewşî, Elîn, Arboî, Yol, Şekrin, Derikê di navbera 4’ê tebaxê û 18’ê tebaxê ketin û derketina wan hate qedexekirin.
Li aliyê din hate diyarkirin ku ji Qişleya Leşkerî ya Cevatpaşa ya li navçeya Mîdyadê helîkopterên leşkerî ber bi herêma Bagokê ve çûne. Hate zanîn ku li herêmên operasyona leşkerî hatiye destpêkirin.
