Operasyonên qirkirina siyasî yên hikûmeta AKP-MHP’ê yên li dijî siyasetmedarên kurd û hêzên muxalîf didomin. Di vê çarçoveyê de polîsên dewleta tirk li Mêrsînê di çarçoveya lêpirsîneke ku ji aliyê Serdozgeriya Komarê ya Mersînê ve hatiye destpêkirin de di danê sibehê de bi ser gelek malan de girt.
Hat zanîn ku di encama serdegirtina malan de welatiyên bi navê Ramazan Arslan, Celal Arslan, Bedran Etîz, Hebat Sayin û Helat Sayin bi lêdanê hatin binçavkirin. Sedema binçavkirina welatiyan nehate zanîn.
Di 9’ê hezîranê de jî di encama serdegirtina malan de welatiyên bi navên Alî Bîlen, Hebûn Yuksekdag, Dîlan Demîr, Cejna Sarûhan, Sohbet Aslan a astengdar û ducanî û Îlhan Yukkolê ku ji sedî 73 astengdare hatibûn binçavkirin. MÊRSÎN
