Meclisa Îştar û Saziya Malbatên Şehîdan a Wargeha Penaberan a Mexmûrê ji bo pêngava ‘Tu jî ji bo guhertin û azadiyê rabe ser pêyan’ semînerek da
Li Wargeha Penaberan a Şehîd Rûstem Cûdî (Mexmûr) ji bo pêngava ‘Tu jî ji bo guhertin û azadiyê rabe ser pêyan’, Meclisa Îştar û Saziya Malbatên Şehîdan semînerek da. Semîner bi deqeyek rêzgirtinê dest pê kir. Piştre jî hevseroka Meclisa Gel a Mexmûrê û endama Koordînasyona Meclisa Îştarê Filîz Budak axivî.
Budak anî ziman ku di pêvajoyeke girîng re der bas dibin û bi qirkirin û talankirinê re rû bi rû ne. Budak got ku divê li dijî vê li her qadê berxwedan bê mezinkirin. Budak diyar kir ku ji qewimînên heyî yên di nava civakê de berpirsyar ew in û wiha derbirî: “Ger xweza bê talankirin dîsan jî berpirsyar em in. Ji ber ku em di civakê de xwedî van berpirsyariyên giringîn.”
Herî dawî jî Budak da zanîn ku pêngava ku wan daye destpêkirin ji bo parastina hemû zindiyên di gerdunê de, jîngeh û parastina mafê mirovan e. MEXMÛR
