Li navçeya Miksê ya Wanê duh aşût hatibû xwarê û mînîbus û makîneyeke kar di bin aşûtê de mabûn. Ji bo rizgarkirina welatiyên di bin aşûtê de mabûn, xebatên lêgerînê hatibûn destpêkirin. Hat diyarkirin ku piştî çend saetan mînîbus hate dîtin. Li gorî agahiyên ewil, ji welatiyên di bin aşûtê de mayîn 5 kesan jê jiyana xwe ji dest dan.
Têkildarî mijarê walîtiya Wanê daxuyaniyek da û diyar kir ku di encama aşûtê de 5 welatiyan jiyana xwe ji dest dane û 7 jî hatine rizgarkirin. Waliyê Wanê Emîn Bîlmez destnîşan kir ku li gorî texmîna wan 10-15 kes di mînîbusê de hene û ji van 7 kes jê hatine xelaskirin.
Her wiha hat zanîn ku dema ku aşût hatiya xwarê operatorê makîneya kar xwe ji wesayîtê avêt û xelas kir. WAN
