Meclisa Leşkerî ya Minbicê bi daxuyaniyekê ragihand ku ku hêzên wan şaneyeke veşartî ya girêdayî MÎT’a tirk ku çek û cebilxane ji şaneyên terorîstan ên li herêmên bakur û rojhilatê Sûriyeyê re dişandin, girtine.
Di daxuyaniyê de meclisa leşkerî destnîşan kir ku Yekîneyên Antî-Teror ên girêdayî wan di 19’ê nîsana 2020’an de li sînorê di navbera Minbic û herêmên bi bin dagirkeriyê de şaneyeke ku çek ji şaneyên girêdayî MÎT’ê û çeteyên Ehrar El Şerqiyeyê re dişandin, girtine.
Bi domdarî jî ev agahî hatin dayîn: “Di operasyonê de 4 kes hatin girtin. Di lêpirsînê de diyar bû ku ew çek ji aliyê wan ve dihatin amadekirin da ku ji şaneyên girêdayî MÎT’ê yên li Reqayê re bişînin. Di operasyonê de 35 kalaşnîkof, 7 NATO, 1M Sixteen number 1 hatine bidestxistin. Her wiha yekîneyên me di 3’yê nîsanê de jî terorîstekê ku dixwest xwe li Minbicê biteqîne girt. Ev kiryar rêzê êrîşên terorî yên MÎT’ê ne.” MINBIC
