Komên çete li Minbicê motorsiklêteka bombebarakirî teqand. Di encama teqînê de tenê ziyanên madî pêk hatin
Dewleta tirk û çeteyên girêdayî wê ji bo têkbirina ewlehiya Minbicê, êrîşên xwe berdewam dikin. Li gorî agahiyan, li taxa Hezawin a li aliyê başûrê Minbicê motorsiklêtekî bombebarkirî hate teqandin.
Hat zanîn ku beriya niha bi çend kêliyan, motorsiklêtekî bombebarkirî li nêzê depoyê ‘Kiraş’a kazûzê ya li taxa Hezawinê hate teqandin. Hat ragihandin ku di encama teqînê de tenê zirarên madî pêk hatin.
Hêjayî bibîrxistinê ye ku di roja yekşemê de Yekîneyên Antî Terorê yên girêdayî Meclisa Leşkerî ya Minbicê çeteyekî ku destê xwe di çandina mayinên li Minbicê de hebû û girêdayî şaneyên ‘Mertalê Firatê’ ye, girtibûn. Lêpirsîna çeteyên dewleta tirk didome. MINBIC
