Li paytexta Rûsyayê Moskovê bi daxwaza hilbijartina azad xwepêşandanek pêk hat. Lê belê polîsên rûs bi rengekî tund dest li xwepêşandanê werdan û zêdeyî hezar kes binçav kirin
Polîsên Moskovê ragihandin ku di xwepêşandanê de hezar û 74 kes hatin binçavkirin.
Çalakiya protestoyî li ber avahiya Şaredariya Moskovê pêk hat. Mûxalefet nerazîbûnê nîşanî redkirina namzetiya ‘serbixwe’yan dide ku namzetiya wan ji bo hilbijartinên xwecihî yên 8’ê îlonê hate redkirin. Tê gotin ku hilbijartin wê ji bo namzetên alîgirê desthilatdariyê hilbijartineke zehmet be.
Çalakgerekî 68 salî ji AFP’ê re got, “Di tevahiya temenê xwe de tirsiyam. Êdî bes e. Eger em di mala xwe de bimînin wê tiştek neyê guhertin.”
Rêxistina Efûyê ya Navneteweyî jî fikarên xwe yên ji ber bûyerê nîşan da û diyar kir ku ev yek ji bo çavtirsandina mûxalefetê ye. MOSKOV
