Zêdetirî çeteyên girêdayî komên çekdar li eyaleta Sokoto ya li ser sînorê Nîjerê bi ser 5 gundan girtin. Waliyê eyaletê Amînû Tambûwal têkildarî êrîşê agahî dan û piştrast kir ku komên çete bi ser gundan de girtiye.
Rayedarên dewletê ragihand ku di encama êrîşê de gelek kes hatine kuştin û heta niha zêdetirî 70 cenaze hatine tespîtkirin. Li navçeya Sabon Bîrnî ku gelek kes lê hatin kuştin û birîndar bûn, rayedarên nexweşxaneyê diyar kirin ku ew bi fikar in hejmara qurbaniyan zêdetir bibe. Polîsên eyaletê têkildarî komkujiyan hîn daxuyaniyek nedane.
Serokdewletê Nîjeryayê Muhammadu Buharî jî di nava rojê de ragihand ku hem li Sokoto hem jî li eyaletên din ên welêt li dijî çeteyên çekdar wan dest bi operasyonan kirine.
Li eyaleta Sokoto ya li bakurê rojava yê Nîjeryayê tevî ku çeteyên Boko Haram û El Qaîdeyê hîn bi cih nebûne, gelek komên çete hene. Fikar tên kirin ku eger ew çeteyên cîhadîst jî li herêmê bi cih bibin dê komkujiyên mezintir bên kirin. SOKOTO
