Malbata Gurturk a li pêş avahiya HDP’ê nobetê digirin, duh cenazeyê kurê wan li Mûşê defin kirin. Esker û polîsan destûr nedan ku ji xeynî malbat û xizmên malbatê kesên cuda tev li merasimê bibin. Dîsa destûr nedan li mala şînê rûnin.
Sekna gelek malbatên ku bi îdiaya “HDP’ê zarokên wan şandine çiyê” a li pêş avahiya HDP’ê ya Amedê didome. Îro Dîsa nêzî 20 malbat hatin li pêş avahiya HDP’ê ya Amedê rûniştin. Parlamenterên AKP’ê yê Amasya Mustafa Levent Karahocagil, hevjîna wî, biraziyê wî û Karzazên Trabzonê, Komeleya Burokratan, Vakfa Karadeniz, Endamê Konseya Jinan Serokê rêxistina Civaka Sivîl a Konya Muhsin Gorgulugil û endamên rêveberiyê malbatên li pêş HDP’ê rûniştine ziyaret kirin. Yek ji malbata ku li pêş HDP’ê rûdinê malbata Musa Gurturk a ji 18’ê Îlonê heta niha di çalakiyê de ye. Polîsan îro agahî da Dayika Musa Gurturk ê di sala 2014’an de tev li HPG’ê bûye, Îkram Gurturk û gotin ‘Kurê de di şer de jiyana xwe ji dest daye.” Polîsan diyar kirin ku Gurturk ê HPG’î di operasyona hewayî ya 10’ê Îlonê de li Çiyayê Gorese yê Lîceya Amedê jiyana xwe ji dest daye. Piştî vê agahiyê Îkram Gurturk dawî li çalakiya xwe anî.
Mala şînê nedan wan
Malbata Gurturk, şevê din cenazeyê xwe li taxa Toprakkale ya Mûşê defin kirin. Esker û polîsan destûr nedan ku ji xeynî malbat û xizmên wan kesên cuda tev li merasimê bibe. Polîsan dîsa destûr neda ku malbat şînê li mala şînê dîne. AMED
