Li gorî nûçeya ANHA’yê, Hêzên Ewlekariya Hundirîn ên Bakur û Rojhilatê Sûriyeyê, dibistana Fadil El Hesen û dibistana Îbnî Sîna yên li rojhilatê bajêr kontrol kirin ku ev her du cih navendên milîsên Dîfaa El Wetenî ya girtîdayî rejîma Şamê bûn.
Hate ragihandin ku hêzên ewlekariyê li kolana Xewle Bînt El Ezher bi pêş ve diçin.
Milîsên ser bi hikûmeta Şamê 20’ê nîsanê saet di 22:00 de êrîş birin ser noqteyeke kontrolê ya Hêzên Ewlekariya Hundirîn û ji ber vê êrîşê şer dest pê kiribû.
Milîsan bi taybetî êrîşên xwe yên li dijî sivîlan zêde kirin. Di êrîşa roja destpêkê de endamekî Asayîşa Qamişloyê şehîd bû. 22’ê nîsanê jî zarokekî jiyana xwe ji dest da, herî kêm 3 sivîl birîndar bûn. 23’ê nîsanê jî ji rûspiyên Qebîleya Benî Seba ya Qamişloyê Hayis El Ciriyan ji aliyê milîsan ve hate qetilkirin. QAMIŞLO
