Desteya Aborî ya Meclisa Rêveber a Kantona Reqayê plansaziya 2023`yan didomîne. Ji nû ve vekirina firina “Tişrîn” jî di plansaziyê de ye. Hindik maye ku xebatên vekirinê bi dawî bibin ku ev firin li bajêr a herî mezin e.
Di pêngava rizgarkirina Reqayê ji çeteyên DAIŞ`ê de, firin bi temamî wêran bûbû. Ji bo sivikkirina bar li ser firinên din, Desteya Aboriyê dest bi xebatên vekirina wê kiriye.
Çavdêrê projeyê Mihemed Malûd têkildarî mijarê got: “Me ji navîna 2023`yan ve dest bi vê xebatê kir û çaverê ye heta çend rojan bi dawî bibe.”
Kapasîteya firinê rojane nêzî 25 tonan e û dê nan ji nîvê şêniyên Reqayê re peyda bike.
Malûd destnîşan kir ku piştî vekirina firinê dê hewl bidin xeteke din di firneyê de vekin ji bo ku barên şêniyan siviktir bibe.
Desteya Aborî ya Meclisa Rêveber a Kantona Reqayê beriya wê jî Firina Ferdûs 23`yê sibatê û Temwînê sererast kiribûn.
