Li navçeya Bilêc a ser bi Şengalê ve komek çeteyên DAIŞ’ê xwestin êrîşa xwekujî pêkbînin, lê ji aliyê hêzên ser bi Heşdî Şebî ve hatin ferqkirin û êrîş hat têkbirin
Komek çeteyên DAIŞ’ê ku ji 7 kesan pêkdihat, îro di saetên nîvro de xwestin êrîşê gundê Sîba Ebû Emaş ya ser bi navçeya Bilêc (Qeyrewan) a girêdayî Şengalê bikin. Lê koma çeteyan ji aliyê hêzên Heşdî Şebî ve hatinferq kirin. 2 çete xwe teqandin, 3 çete ji hatin kuştin û 2 jî hatin girtin. Li gorî agahiyên ku bidest ketine çete nekarîne zirerê bidin tu kesî û bêyku bigihijên armanca xwe hatine têkbirin.
Duh erdnîgariya ku li Sûriyeyê dibin desthilatiya çeteyên DAIŞ’ê de bi temamî ji aliyê şervanên HSD’ê ve hatibû rizgarkirin û zêdeyî 10 hezar çete xwe radestî şervanan kiribûn. Lê di daxuyaniyê de hatibû gotin ku dê têkoşîna li dijî DAIŞ’ê hem wekî leşkerî hem jî wekî fikrî dewam bike. Ji ber têgotin ku hîn jî şaneyên veşartî yên çeteyên DAIŞ’ê li Iraq û Sûriyeyê hene.
Navçeya Bilêc bi temamî dibin kontrola hêzên Heşdî Şebî de ye. ŞENGAL
