9’ê cotmehê li Bexdayê di navbera Hikûmeta Bexda û Hewlêrê de li ser Şengalê peymanek hat îmzekirin. Di vê peymana ku rêveberiya Şengal û nûnerên herêmê nehatin tevlikirin de, biryar hat girtin ku Şengal di warê ewlekarî de girêdayî Bexdayê be, di warê îdarî û xizmetguzarî de jî ji aliyê Bexda û Hewlêrê ve hevpar bê rêvebirin.
Piştî peymanê rêveberiya Şengalê nerazîbûn nîşan da û diyar kir ku ew biryarên îradeya herêmê nas nasnekin, qebûl nakin. Pêkhateyên herêmê jî biryar girtin ku îro bi meş û daxuyaniyekê daxwazên xwe aşkera bikin.
Di çarçoveya biryara meşê de pêkhateyên Şengalê ku ji êzidî, ereb, sunî, şîa, serokeşîr, oldar, rêxistin û partiyên herêmê pêk tên li navenda Şengalê kom bûn.
Girseya gel ji vir jî bi pankarên wekî ‘Em tu biryarên derveyî îradeya gelê Şengalê qebûl nakin’, ‘Em desthilatiya Herêma Kurdistanê li ser Şengalê qebûl nakin’ dest bi meşê kir. Meş wê li Çerxerêya Qibayil bi dawî bibe û li vir daxuyanî bê dayîn. ŞENGAL
