Îro li Şengalê 7 gorên komî yên qurbaniyên êrîşên çeteyên DAIŞ`ê yên li ser gundê Herdan dê werin vekirin
Beriya 7 salan, li Şengalê di êrîşa çeteyên DAÎŞ`ê de bi hezaran êzidî hatin qetilkirin. Bi dehan gorên komî hatin dîtin û heta niha nasnameyên gelek qurbaniyan ne diyar in.
Ji dema ku Hêzên Parastina Gel (HPG) û Yekîneyên Berxwedana Şengalê (YBŞ) Şengal rizgar kiriye, ev cara yekemîn e ku gorên komî bi merasîmeke olî û fermî tên vekirin. Dê DNA ji terman bên girtin da ku nasnameyên wan bên zanîn. Paşê dê li gorî urf û adetên êzidiyan dîsa werin veşartin.
Li gundê Herdanê bi beşdariya Baba Şêx Elî Şêx Îlyas, gelek oldarên din û şêniyên gund tev li merasîmê bûn. Li gor daneyên fermî, heta niha 27 gor li deverên cuda yên Şengalê hatine dîtin.
