Hejmara duyemîn a kovara muzîkê Ziryabê derket. Di berga hejmara nû de wêneyê Ciwan Haco heye
Hejmara duyemîn a kovara Ziryabê derket. Di hejmara nû de bi Ciwan Haco, Abbas Ahmed, Mizgîn Tahîr, Sakîna Teyna, Jan Axîn, Erdogan Emir û lêkolîner Zeyneb Yaşê re hevpeyvîn hatine kirin. Posterekî mezin ê Ciwan Haco jî bi hejmara 2´yê ya Ziryab re heye.
Gunay Koçhan Flower, Besime Şen û Selahattin Demirtaş li ser mijarên siyaset û muzîkê bi nivîsên xwe di vê hejmarê de cihê xwe digrin.
Di kovarê de ji bilî hevpeyvînan gotar, danasîn, portre, nûçeyên muzîkê, albûmên bijarte û playlîst hene.
Sernivîsên hevpeyvîn û nivîsên sereke di vê hejmarê de weke li jêr in:
- ”Xwezî ez li welatê bav û kalan bûma û ev stranên min tunebûna” / Ciwan Haco
- ”Noteya Şoreşê” / Selahattîn Demîrtaş
- ”Huner erkek e li ser milê me” / Abbas Ahmed
- ”Min xwest piçek be jî mîrasa gelê xwe ji talanê xilas bikim” / Zeyneb Yaş
- ”Eke çew çin o ke şima pîya rayîrêk de şêrê na yena a mena ke rayirêkê şima çin o” / Erdogan Emîr
Îlona 2018´an kovarê dest bi weşana xwe kir. Yekem kovara muzîkê ya bi Kurmancî û Kirmankî ye. Kovar çar mehan carekê hejmarekê derdixe. Desteya weşanê ya Ziryabê ji Gokçe Selîm, Serhat Temel, Harûn Elkî, Ozan Irmak û Yûnis Das pêk tê û edîtoriya kovarê jî Mevlut Oguz dike. AMED
