Navenda Nûçeyan|Zaroka li Gercewsa Batmanê ku ji aliyê memûrên dewletê ve hatibû îstismarkirin li ser hemû torên civakî bertek hatin nîşandan.
Li gundekî gercewsê zarokeke 15 salî dema bi gazinca êşa zik çûbû nexweşxaneyê diyar bû ku ducanî ye û hatiye tecawiz kirin.
Ji ber gilîkirinê li heman gundî du zilamên bi navê M.A û V.A hatin girtin. Li gorî nûçeya ajansa Jinnews’ê ya 5’ê kanûnê polîs, çawişên pispor, cerdevan û bi giştî 27 kes di nav bûyera tecawizê de hene.
Her çendî bi boneya nûçeya Jinnews’ê lêpirsîn hatibe destpêkirin jî tenê navê 11 zilaman ket ber lêpirsînê.
Li gorî heman nûçeyê li gundê navborî digel zaroka 15 salî du jinên din jî berbi fihûşê ve hatine dehfdan.
Jinan di torên civakî de bi hashtaga “#LiGercewsêÇiDibe?” “#GercüşteNeOluyor?” Çalakiyek dan destpêkirin.
Gelek rêvebir û wekîlên HDP’ê jî bi parvekirinên xwe bi awayekî çalak tevlî vê hashtagê bûn.
