Gerîlayên HPG/YJA Star li Serhed û Garzanê derbên xurt li artêşa tirk da û di çalakiyên gerîlayan de biqasî ku hatiye zelalkirin 21 leşker hatin kuştin
Navenda Ragihandin û Çapemeniyê ya HPG’ê li ser çalakiyên gerîla yên li Serhed û Garzanê agahî da.
HPG’ê da zanîn ku çalakiyên hêzên wan ên di çarçoveya Pêngava Cenga Heftanîn a li Herêmên Parastinê yên Medyayê dewam dike û ev agahî parve kir: “Roja 19’ê cothemê saet di navber 10:30 û 15:20’ê de hêzên me, li dijî wesayîtên kar ên artêşa TC’ê ya li derdorî Girê Partîzan du çalakî pêk anîn. Di vê çalakiyê de du wesayîtên kepçe hatin derbkirin û hejmara leşkerên kuştî û birîndar nehate zelalkirin. Roja 20’ê cotmehê saet di 07:50’î de jî hêzên me li dijî hêzên dagirker ên li Girê Partîzan bi cih bûbûn çalakiyek kirin. Di vê çalakiyê de bi xurtî li çeper û kozikan hate xistin, di vê çalakiyê de jî hejmara leşkerên kuştî û birîndar nehate zelalkirin.”
Li Colemêrg û Agiriyê çalakiyên gerîlayan
Di daxuyaniyê de HPG’ê diyar kir ku hêzên wan di çarçoveya Pêngava Şoreşgerî ya Şehîd Bager û Şehîd Ronya de roj 20’ê cotmehê li dijî yekîneyên artêşa tirk a li Girê Xereqol a navçeya Çelê ya Colemêrgê çalakiyek pêk anîne lê hejmarên leşkerên kuştî û birîndar nehatine zelalkirin û wiha domand: “Hêzên me di çarçoveya Pêngava Serketinê ya Şoreşgerî ya li Eyaleta Serhedê dom dike de, roja 20’ê cotmehê saet di 08:30’î de li dijî wesayîta bi tîna amarog û wesayîta zirxî ya kîrpî ji qereqolê derdiket û klubeya nobedê ya Qereqola Vedat Ozkaya ku girêdayî navçeya Bazîd a Agiriyê operasyoneke şoreşgerî hatiye destpêkirin. Di vê çalakiyê de ku ji 3 baskan ve bi xurtî li dijîmin hate xistin, wesayîta zirxî û amarog hatin rûxandin û tankek li nava qereqolê jî hate derbkirin. Di vê çalakiya bi dorfireh hate kirin de 18 leşker hatin kuştin. Artêşa TC’ê piştî çalakiyê bi helîkopter û balafirên keşfê kuştî û birîndarên xwe bi gelek helîkopterên skorsky ji qadê rakirin. Yekîneyên me yên çalakî kirin bi saxî û silametî vegeriyan baregehên xwe.”
Li Bedlîsê 3 leşker hatin kuştin
Her wiha HPG’ê destnîşan kir ku roja 20’ê cotmehê li devera Şehîd Mizgîn a Bedlîsê di navbera hêzên wan û artêşa tirk de şer qewimiye û daxuyaniyê wiha bi dawî bû: “Di vî şerî de ku gelek leşkerên tirk hatin kuştin û birîndarkirin, hejmara kuştî û birîndaran nehate zelalkirin. Hêzên dagirker piştî çalakiyê li qadê dest bi operasyonekê kirin. Hêzên me roja 21’ê cotmehê ango îro saet 06:00’an yekîneyeke ya operasyonê hatiye kontrolkirin û hatiye lêxistin. Di vê çalakiyê dek ku ji nêz ve li dijmin hatiye xistin, 3 leşker hatine kuştin, gelek leşker jî birîndar bûne. Artêşa TC’ê ya piştî çalakiyê kuştî û birîndarên xwe ji qadê rakirine, bêyî ku bi encamek bigirin ji qadê vekişiyane.” BEHDÎNAN
