Asayîş û polîsên Silêmaniyê eşkere kir ku ji ber diziya milyarek dînarê Iraqî yê mûçeyên karmendên Nexweşxaneya Şar a Silêmaniyê 7 kes hatin binçavkirin
Duh tîmekî Nexweşxaneya Şar çûn li Banka Goyije ya li Taxa Tûwî Melik a Silêmaniyê mûçeyên karmendên Nexweşaneya Şar bigirin, piştî ku yek milyar dînar mûçeyên karmend û bijîşkan ji bankê girtin, dema ku vegeriyan ji aliyê wesayîtekî ku çend çekdar tê de bûn, rê li wan girtin û hemû pere birin.
Şevê din bi alîkariya welatiyan asayîşa Silêmaniyê pereyên karmendan dîtin û vegerandin. Rêveberiya Asayîş û Polîsên Silêmaniyê li ser mijarê daxuyaniyek da. Rêveberê Asayîşa Silêmaniyê Westa Hesen eşkere kir ku ji ber diziya milyarek mûçeyên karmendên Nexweşxaneya Şar a Silêmaniyê 7 kes hatin binçavkirin.
Di civîna çapemeniyê de Rêveberê Asayîşa Silêmaniyê Westa Hesen daxuyakirin ku kesên hatine biçavkirin îtiraf kirine ku wan dizî kiriye. Her wiha Rêberiya Asayîşa Silêmaniyê ragihand ku ji berî 10 rojan plana diziyê hatiye kirin û mala rêveberê tora diziyê jî li nêzî bankê ye. SILÊMANÎ
