Meclisa navçeya Sirînê ya girêdayî kantona Kobanê ji bo gerîlayên azadiya Kurdistanê û her sê pêşengên PKK’ê Mûrat Karayilan, Cemîl Bayik û Dûran Kalkan bi dirûşma ‘Bijî berxwedana her sê azadîxwazan’ meş organîze kir. Bi sedan şênî û nûnerên partiyên siyasî û saziyên sivîl û leşkerî tev li meşê bûn.
Meş ji deriyê ketina navçeyê dest pê kir. Di meşê de wêneyên Rêberê Gelê Kurd Abdullah Ocalan hatin hildan û dirûşmeyên silavkirina berxwedana gerîla hatin berzkirin.
Meş li qada şaredariyê veguherî mitîngê. Di mitîngê de Hevserokê Şaredariya Sirînê Mustefa Muslim wiha axivî û wiha got: “Em li vir in da ku ji cîhanê re îsbat bikin ku berxwedan jiyane û serkeftin a HSD’ê ye.”
Mustefa Muslim biryara Amerîkayê ya li dijî fermandarên Tevgera Rizgariya Kurdistanê Mûrat Karayilan, Cemîl Bayik û Dûran Kalkan şermezar kir û teqez kir ku bi saya wan kesan teror têk çû.
Muslim destnîşan kir ku terora rast dewleta tirk a dagirker e, ji ber ku avê li ser zarok û jinên li Bakur û Rojhilatê Sûriyeyê qut dike.
Tê payîn ku sibe meclisa navçeya Çelebiyê ya kantona Kobanê jî meşekê li dar bixe. KOBANÊ
