Navenda Nûçeyan |
Li navenda Şirnexê teqînekê rû da. Dengê teqînê ji her derê bajêr hat bihîstin. Hat diyarkirin ku piştî teqînê li herêma Fermandariya Tumena Sersînor ya Cendirmeyan a 23’yemîn hêwirzeyeke leşkerî çêbûye. Ronahiyên tumenê temirîne û li herêma tumenê dengê çekan hatiye bihîstin.
Di derdora saet 11’ê şev li Êlihê sê teqîn li ser hev çêbûn. Hat ragihandin ku bi 3 balafirên maket êrîşê baregeha İHA û SİHA’yan hatiye kirin. Piştî dengên teqînê dengê çekan jî hatiye bihîstin. Gelek ambulans û zirîpoş sewqî cihê bûyerê kirine.
Walîtiya Êlihê piştî teqînan daxuyaniyek belav kir. Di daxuyaniyê de hat gotin ku li Êlihê êrîşê navendeke leşkerî kirine û wiha got: “Di saet 23.10’an de bi 3 balafirên maket êrîş pêk hatiye. Maket hatine bêbandorkirin û tu xisar tune ye.”
